UST Chemistry Esther
鍾意Fencing又係House熱血份子，好動活躍最鍾意笑

面試大作：
Nokia狂熱之旅版大富翁

今日因為ar媽有o野做唔得閒 , 所以出o左去食lunch .

今日唔知點解同o左佢地去o左一間叫唔知咩「澳門荷蘭花園餐廳」度食lunch .

由於我地有7個人同埋間o野細ge關係 , marco , 大佬 , 可為 , soso同KK坐一張枱 , 我同so少坐o左張4人枱 , 之後有兩個女人入o左o黎 , 話4個人 , 個老細就過o黎叫我同so少去搭枱 , 俾張4人枱佢地 , 我同so少勁唔gur , 但係都俾o左張枱佢地 .

之後我地叫o野食 , 我要o左碗中湯 , 碗湯o黎o左之後 , 我飲飲o下發現碗o野有一塊細細塊ge百潔布o係裡面 , 所以咪即刻叫個侍應o黎同佢講 , 佢聽完之後問我不如換過碗俾我 , 我咪即刻話唔要lor ( 大佬梗係la , o係同一鍋湯裡面裝番碗俾我有咩分別je , 梗伙唔要la ) , 跟住佢只係拎o左我隻spoon走 , 碗o野就冇拎走wor , 搞到我同so少幾燥ar .

跟住so少碟o野上先 , 到佢差唔多食完 , 我碟o野都未到 , 我地咪叫佢追下lor , 之後再過一陣佢先拎碟o野俾我ja . 雖然碟o野係好大ar , 不過碟o野鬼咁死油 , 搞到我食幾淡就食唔落 ( 唔信可以去問下so少 ) , 跟住咪飲埋杯o野走lor . 間o野又鬼咁死貴 , 最平ge餐係$24 , 學生-$3 , 但係凍飲又+$2 wor , 咁你話係咪一D都唔抵ar?

所以我發誓一定唔再去呢間o野食o野ar!!!!

跟住我番到學校仲好燥 , 不過過o左一陣就冇咁燥la , 就走去拎把濕ge傘high落個fd度玩佢 , 佢同我講話大個la , 仲玩 , 跟住有條好討厭ge死o靚仔唔識死咁走過o黎 ( 條o靚仔我想郁佢好耐ga la ) 指住我話咁你就唔啱la , 咁我咪怒火再次急升 , 我咪立即好大聲咁鬧佢「關你咩事ar細路 , 同你好熟ar!!!」( 我唔用粗口鬧佢算係好收歛ga la ) 跟住條o靚仔咪r哂底lor , 跟住我冇再理佢 , 就好燥咁走o左去上堂 .

今日由於ar sir book唔到場碌ling同天雨ge關係 , 我地上o左禮堂上pe , 我地打閃避球 , 我同marco , martin , 大喪同可為一team , 我地打o左11場 , 10連勝ar , 最後一場由於直打11場太累同一D小錯誤ge關係 , 所以輸o左 , 不過冇所謂la , 因為我地10連勝wor!!!

就係因為咁 , 我ge怒氣就全消la .